入行超過30年，好多觀眾未必知道關寶慧係演藝學院畢業，甚至早幾年拎過香港舞台劇獎最佳女主角。
關寶慧明言好恨攞獎，下個目標係影后。
有演技，但關寶慧多年來發展唔算突出，2002年同TVB約滿，公司加一半人工留人，佢都選擇自由身。
不過自由嘅代價就係自己搞掂，包括拍戲遇著無理事都要自己拆。
寶慧憶述試過拍IIB級電影《男人胸女人home》時，電影公司將佢身上嘅三點式P走扮裸照，但自己喺套戲根本冇裸露。
其他叫關寶慧收順啲甚至走數嘅情況，佢都遇唔少。
好在寶慧一早深明娛圈花無百日紅，九十年代已經買樓投資，而家足以維持生計。
3/4
